Difficultads linguisticas e retardaments dal svilup pon sa mussar en ils suandants secturs:
- furmaziun dals suns
- furmaziun dals pleds e da las frasas
- chapientscha da la lingua
- fluenza da la lingua
- cumportament da communitgar
- singularitads da la vusch
- motorica da la bucca
- tschitschar e tragutter
Purschida
- nus faschain in scleriment logopedic ed eruin il basegn da sustegn
- nus offrin ina terapia logopedica individuala u en gruppas pitschnas
- nus sustegnain e cussegliain ils geniturs/las persunas responsablas per l'educaziun en dumondas dal svilup linguistic, da la promoziun e da la scolarisaziun d'uffants en la vegliadetgna prescolara
- nus collavurain cun autras persunas spezialisadas
Logopedia suenter il temp da scola obligatoric
La logopedia suenter il temp da scola obligatoric sa drizza a giuvenils fin max. il 20avel onn da vita che dovran sustegn logopedic per terminar cun success lur furmaziun en il sectur terziar u per l'integraziun professiunala.
Procedura d'annunzia
Annunziar in uffant u giuvenil pon ils geniturs/las persunas responsablas per l'educaziun sezs u – cun il consentiment da quels – era persunas spezialisadas dal sectur medicinal, psicologic u pedagogic:
al secretariat a Cuira 081 257 02 80
u directamain a la logopeda regiunala resp. a la persuna spezialisada per logopedia
Il Servetsch Ortopedagogic dal Grischun lavura a basa d'in mandat da prestaziuns da l'Uffizi per la scola populara ed il sport. La logopedia en il sectur tempriv e la logopedia en il sectur postobligatoric èn purschidas facultativas e gratuitas per ils geniturs/las persunas responsablas per l'educaziun. Tut las collavuraturas ed ils collavuraturs èn obligads a la discreziun.
La logopedia durant il temp da scola obligatoric è en la cumpetenza dals purtaders da scola.