Difficultads dal svilup pon sa mussar tranter auter en ils suandants secturs:
- en il gieu
- en la cogniziun
- en la lingua e la communicaziun
- en la concentraziun e l'attenziun
- en la percepziun
- en la motorica
- en il cumportament
- en las cumpetenzas socialas ed emoziunalas
Purschida
- nus faschain in scleriment differenzià dal svilup/ina diagnostica
- nus promovain e sustegnain il svilup da l'uffant a moda cumplessiva ed individuala cun:
- rinforzar las resursas existentas
- svegliar l'interess da l'uffant da scuvrir il mund, chapir connexs, emprender ed udir chaussas novas
- intermediar novas cumpetenzas cun gieus ed exercizis sistematics ed adequats al svilup
- sviluppar ina relaziun stabila ed in clima che gida l'uffant ad emprender
- nus sustegnain ils geniturs/las persunas responsablas per l'educaziun en lur situaziun d'educaziun particulara
- nus concepin cundiziuns positivas, per che l'uffant possia sviluppar sia autoefficacitad, sias cumpetenzas individualas, confidenza en sasez ed autonomia
- nus integrain las resursas famigliaras
- nus cussegliain en dumondas dal svilup, da la promoziun e da la scolarisaziun da l'uffant
- nus collavurain cun autras persunas spezialisadas ed ulteriurs posts spezialisads
- nus sustegnain l'integraziun da l'uffant en la societad ed en noss sistem da scola
Procedura d'annunzia
Annunziar in uffant pon ils geniturs/las persunas responsablas per l'educaziun sezs u – cun il consentiment da quels – era persunas spezialisadas dal sectur medicinal, psicologic u pedagogic
al secretariat a Cuira 081 257 02 80
u al post regiunal correspundent
Il Servetsch Ortopedagogic dal Grischun lavura a basa d'in mandat da prestaziuns da l'Uffizi per la scola populara ed il sport. L'educaziun prescolara pedagogic-curativa è ina purschida facultativa e gratuita per ils geniturs/las persunas responsablas per l'educaziun. Tut las collavuraturas e tut ils collavuraturs suttastattan a l’obligaziun da discreziun ed a la lescha davart la protecziun da datas tenor LPD/OPDa.