Els emprendan da meglierar lur capacitads da vesair e da percepir, da nizzegiar las resursas disponiblas e dad ir enturn il meglier pussaivel cun la vesida existenta.
La finamira dal sustegn è da promover il pli aut grad d'autonomia pussaivel, la participaziun sociala, l'integraziun en scola e la sanadad psichica dals uffants e giuvenils. Nus sustegnain e concepin il svilup e l'integraziun en scola dals uffants cun involver ils geniturs/las persunas responsablas per l'educaziun e persunas spezialisadas.
Il sustegn vegn offert tut tenor basegn en furma da promoziun regulara e/u da cussegliaziun. Era la collavuraziun cun auters champs spezialisads fa part da noss'activitad.
Cussegliaziun, instrucziun e sustegn da las persunas pertutgadas e da lur ambient
- nus mussain co duvrar ils meds d'agid tecnics
- nus sensibilisain las persunas d'instrucziun e las classas da scola cun organisar occurrenzas d'infurmaziun/lecziuns d'empatia en scolinas e scolas
- nus accumpagnain ils uffants e giuvenils a l'entschatta da la scolina/scola u a chaschun da la midada da stgalim/scolaziun
- nus faschain lavur publica
- nus organisain perfecziunaments per las persunas d'instrucziun
Promoziun
- nus promovain a moda sistematica la vesida e las restricziuns secundaras che stattan en connex cun quella, p.ex. la motorica u la percepziun
- nus intermediain tecnicas specificas da giugar, d'emprender e da lavurar
- nus intermediain strategias efficazias per survegnir access ad infurmaziuns cumplessivas
- nus organisain meds d'agid e meds d'instrucziun adattads; nus adattain ils meds d'instrucziun da classa regulars
Procedura d'annunzia
Annunziar in uffant u giuvenil pon ils geniturs/las persunas responsablas per l'educaziun sezs u – cun il consentiment da quels – era persunas spezialisadas dal sectur medicinal, psicologic u pedagogic:
al secretariat a Cuira 081 257 02 80
u al post regiunal correspundent
hpd-gr.ch
Il Servetsch Ortopedagogic dal Grischun lavura a basa d'in mandat da prestaziuns da l'Uffizi per la scola populara ed il sport. Las mesiras en cas da donns da la vesida èn ina purschida facultativa e gratuita per ils geniturs/las persunas responsablas per l'educaziun. Tut las collavuraturas e tut ils collavuraturs suttastattan a l’obligaziun da discreziun ed a la lescha davart la protecziun da datas tenor LPD/OPDa.