Admissiun
Uffants pon far part da KITAplus, sche la canorta sa decida per il program KITAplus, sch’i dat in basegn d’assistenza particular e la canorta basegna sustegn per pudair ademplir quel. Decisiva n’è betg la diagnosa da l’uffant, mabain la lavur supplementara effectiva ed il basegn d’in accumpagnament professiunal.
Premissas
Las premissas per pudair porscher KITAplus èn in giudicament professiunal preliminar da la lavur supplementara tras la persuna spezialisada EPPC KITAplus, sco er ina disposiziun da l'USo.
Ultra da quai ston esser ademplidas tschertas cundiziuns instituziunalas, pedagogicas, persunalas e localas:
- cundiziuns instituziunalas: la direcziun, las collavuraturas ed ils collavuraturs sustegnan l’avischinaziun inclusiva ed avran lur instituziun per uffants cun impediments.
- cundiziuns pedagogicas: avair la prontadad da sa barattar regularmain cun ils geniturs/las persunas responsablas per l’educaziun e cun la persuna spezialisada, sco er avair la veglia dad organisar a moda inclusiva la gruppa d’uffants.
- cundiziuns persunalas: avair la prontezza d’adattar resursas, d’appropriar enconuschientschas spezialisadas e da participar a rundas da barat.
- cundiziuns localas: las localitads e l’infrastructura èn adattadas u pon vegnir adattadas.
La participaziun al program KITAplus è voluntara per la canorta.
Procedura d’annunzia
L’annunzia a maun dal formular d’annunzia vegn fatga en scrit da las persunas che porschan la tgira d’uffants cumplementara a la famiglia (direcziun da la canorta) cun il consentiment dals geniturs/da las persunas responsablas per l’educaziun.
Obligaziun da discreziun e protecziun da datas
En il rom da la purschida KITAplus lavura il Servetsch ortopedagogic dal Grischun en il mandat da prestaziun da l’Uffizi chantunal dal servetsch social. Tut las collavuraturas e tut ils collavuraturs dal Servetsch ortopedagogic dal Grischun èn suttamess:as a l’obligaziun da discreziun ed a la lescha davart la protecziun da datas tenor la LPD/OPDa.